Mandag
Eg har laga eit innlegg om oppgåva mi på studieforumet slik eg kan få litt tips og tilbakemeldingar.
Eg har spurt på studieforumet kva problemet med hekken kunne kome av og fått tilbakemelding om at det hadde med bladet sitt pivot-point, so eg får prøve å sjå om eg får fiksa det:)
Elles er eg omtrent ferdig med modelleringa og plasseringa av objekta.
Posta under Animasjon, Obligatoriske oppg.
Mandag
Prosjektplanen vart godkjent, men der var eit par spørsmål til konseptet og tidsplanen. Det var akkurat angåande det eg var litt usikker på eller skulle ha forbedra.
Eg starta å lage ei finare skisse og tenkte ut kor long tid animasjonsfilmen ville vare. Etter å ha fjerna karakterane ut av konseptet og bytta til ei midlertidig avsluttning der melonen treff gulvet i leikehytta og fær utover heile leikehytta, kom eg fram til at den ville vare omtrent 30 sekund +-. Eg skulle sikkert ha hatt nokre fleire kjedereaksjonar, men eg kom ikkje fram til nokon. Kanskje om eg kjem på ei god avsluttning? Eg tenke kanskje å høyre om dei på studieforumet har eit tips eller ein idè.
Skisse
Eg begynte på modelleringa av bilen og handlevogna. Det gjekk ganske greit. Når det gjaldt bilen var eg litt usikker på kor mykje detaljar eg skulle ha med, kor realistisk den skulle vere. Eg kunne ha lasta ned ein ferdig 3d-modell, so muleg eg brukar det istaden dersom eg finn ein med ei opa bagasjeromdør.
Tirsdag
Eg modellerte ketshupflaska og handlevogna + sikkert noko anna som eg ikkje huskar no, hehe.
Handlevogn
Onsdag
Eg modellerte trampolina, leikehytta, huset og spisebord m/stolar. Huset og spisebordet m/stolar henta eg frå tidlegare oppgåver, men gjor eit par endringar på det.
Trampoline
Leikehytte
Eg søkte på Internett for å finne om der var nokre gratis 3d-modellar eg kunne bruke i oppgåva mi og fann ein kjøkkenkniv:) Dessverre var ikkje grill-modellane som passa til oppgåva gratis.
Torsdag
Eg modellerte melonen, grillen og noko av omgivelsane i oppgåva.
Grill
Melonen sin tekstur er eg litt usikker på korleis eg skal lage. Eg prøvde å berre bruke Map id, men teksturforma vart veldig pixel-aktig, hehe. Trur eg må finne ei anna løysing!
Test-melon
Hekken var litt vanskeleg å få til. Der var eit problem med hekken som Position i Particle view. Når eg rendrar blir partiklane plassert eit stykke bak hekken (position), altso ikkje akkurat der hekken er. Dette var rart syns eg og fann ikkje noko løysing på det, so det må eg kome tilbake til.
Fredag
Modellerte ferdig bilen og møblane i leikehytta (to stolar, eit bord og ei hylle). Eg tok utgangspunkt i spisestue-møblane og ei hylle som eg har laga tidlegare.
Tekstureringa kom eg ikkje so longt med. Det er vel den litt meir detaljerte tekstureringa som er igjen.
Posta under Animasjon, Obligatoriske oppg.
Dinne oppgåva gjekk ut på lage ein skog ved å bruke Particle Flow. Eg starta med å sjå leksjonsvideoane. Pga. diverse grunnar starta eg ikkje med øvinga før på søndag og fekk ikkje jobba so mykje med øvinga som eg ville. Eg trur eg har forstått bruken av Particle Flow ganske greit. Det eg laga var vel meir ein park enn ein skog, utgangspunktet kunne ha blitt ein skog om eg jobba meir med øvinga.
Mandag
Då har eg begynt å tenkte på prosjektplanen til den andre obligatoriske oppgåve. Den består av å lage ein animasjon med kjedekollisjon. Eg syns det er vanskeleg å kome på noko som er fengane å sjå på. I mellomtida ser eg på leksjonsvideoane for å lære å animere og kanskje finne litt inspirasjon til oppgåva mi.
Tirsdag-fredag
Eg prøvde å kome fram til eit konsept som var litt underhaldande, men det var svært vanskeleg. Inspirasjon prøvde eg å hente frå Internett og spurte etter tips av samboaren. Det eg kom fram til var at eg kanskje kunne bruke ei handlevogn som trillar på ein stein, dermed kolvar handlevogna og ein melon svevar i lufta og endar på bakken i monge bitar. Idèen om kva som skulle føre til at handlevogna trilla og kva som skulle skje vidare kom ikkje.
Søndag
Prosjektplanen måtte ferdigstillast og dermed måtte eg kome fram til ein god idè. På ein køyretur hadde eg og samboaren ei idèmyldring og kom fram til konseptet. Eg var litt usikker på om innhaldet var litt for lite til at det ville vare i minimum 30 sekund, men eg teikna ei skisse og det skulle vel akkurat gå. Det eg var også usikker på var at på slutten skulle to karakterar ete ein melonbit. Det vert kanskje litt vanskeleg å få til og sjølv om det er ein slags kjedereaksjon so hadde det vore bedre med noko anna. Sidan eg ikkje kom på noko anna vart det til at prosjektplanen vart innlevert med denne idèen.
Prosjektplanen vart sann passe grei, men sidan eg sat på natta å laga den trur eg at den kunne ha trengt litt forbedringar.
Posta under Animasjon, Obligatoriske oppg.
Denne øvinga besto av 3 oppgåver.
1. oppgåva var å animere ping pong ball ved bruk av Out of Range – Loop. Ved å bruke Loop fortsette sidebrikkane å bevege seg opp og ned, og ballen fortsette å gå rundt.
2. oppgåva var å lage animere ein ball ved bruk av Stretch & Squash.
3. oppgåva var å lage ein eigen animasjon ved bruk av teknikkane i leksjonsvideoane. Etter å ha tenkt ei stund og prøvd å finne på noko interessant, valte eg å lage eit egg i eit eggeglass. På eggeglasset har eg brukt strech & squash. Eggeglasset hoppar bortover og i lufta blir egget pusha ut. Eggeglasset må prøve å fange det og hoppar bortover. Begge flyg utanfor bordet og dett ned, men heldigvis klare eggeglasset å berge egget:)
Animasjonsvideoane kjem når eg får tid til å sette meg inn i Adobe Premiere eller når eg set på ny render slik eg får komprimert videoane litt. Det virkar som 100 MB var litt for mykje å takle for YouTube.
Den andre oppgåva vi skulle gjere var å lage ein lampe og animere den.
Eg starta med å sjå leksjonsvideoane og deretter modellere ein lampe. Lampen på kontorbordet mitt vart referanselampen min. Då eg skulle animere den laga eg ei lita skisse for å finne ut korleis lampa skulle bevegast. Det gjekk ganske greit. Ideen var å lage ein lampa i eit rom som ser seg rundt og legge merke til at den er aleien. Den ser ei dør og hoppar bort for å sjå kva som er utanfor rommet, og deretter hopper ut av rommet og bort.
Når eg begynte å lage linking mellom objektdelane til lampen fekk eg eit problem sidan eg hadde laga to stengre opp til lampeskjermen og dei skal bevege seg litt forskjelleg. Eg fann ikkje noko løysing på det, so eg laga berre ei stong. Dette problemet vil eg gjerne finne ut av, men eg kan dessverre ikkje bruke meir tid på det for då går det ut over oppgåva.
Eg starta med å lage dummies (hjelpere) til nokre av lampedelane, men fekk ikkje det slik eg ville. Dermed tenkte eg at eg berre skulle ha dummie for lampehovudet. Eg sleit veldig med å få den til å gå den rette veien når lampen var rotert nokre grade rundt. Når eg flytta den rett opp, vart den litt på skeiva. Då tenkte eg at eg kunne rotere den 90 grade istaden slik den er rett fram, men ved akkurat 90 grader grader fører dummien til at lampehovudet snur seg 90 grader og for meg gir det ikkje meining. Fortsette eg å flytte på dummien går den tilbake til rette veien. Sidan eg har haldt på med dette problemet ei god stund utan nokon løysing, må eg berre droppe dummies trur eg. Får sjå om det går bedre då….
Då er juleferien over og eg har starta å lære om animasjon. Eg har litt kjennskap til flash, so eg kan heldigvis kjenne litt igjen det med keyframe. Etter å ha sett videoane følte eg at det var mykje å lære og sette seg inn i.
Dinne oppgåva besto av å lage eit sjakkbrett og sjakkbrikker og deretter lage ein kort animasjon.
Under er eit bilde av sjakkbrettet eg laga. Eg såg ann tida om eg fekk laga Knighten, men etter å ha følgt ein tutorial med eit dårleg resultat valte eg å ikkje lage den sidan eg heller ville fokuserte på animasjonsdelen i den neste oppgåva.
Render i jpg
Under kjem då første animasjonsbiten eg har laga. Muleg eg lagar den litt lengre om eg får tid.
